旅遊資訊歐洲

【閨蜜遊倫敦】四天重點景點之旅

相信每位女生都曾經幻想同閨蜜到訪世界各個角落,創造專屬你哋嘅回憶。同閨蜜一齊到一個新嘅地方探索,漫遊倫敦會係個唔錯嘅選擇。小編而家就為每對閨蜜設計出四天重點景點倫敦之旅;分作唔同區域介紹各重點景點,並提供地鐵方面嘅交通資訊,方便大家計劃行程時更加得心應手。當然你哋都可以按需要,乘搭觀光巴士遊覧倫敦。

KKdap App

DAY 1

南岸區(The South Bank)

倫敦眼(London Eye)

image

倫敦眼鄰近泰晤士河,可以先同閨蜜喺河邊散步,放低長途機帶嚟嘅疲憊。然後再乘坐世上首座觀景摩天輪—倫敦眼,每個女仔對摩天輪都有種說不出原因嘅情意結,去到倫敦梗係要把握呢個機會以360度觀賞整個倫敦景色,感受濃濃嘅英倫風氣!選擇夜晚乘搭嘅話,仲可以欣賞到倫敦絕美嘅夜景。

image

前往方法:乘搭地鐵線Waterloo and City、Jubilee、Bakerloo、Northern Line喺Waterloo站落車,步行10分鐘便到達。

DAY 2

倫敦東區(East End of London)

紅磚巷(Brick Lane)

image

如果你同閨蜜係藝術愛好者,紅磚巷呢個孟加拉移民大本營絕對適合你哋。呢度每一面牆都有不同特色嘅塗鴉,令你立即愛上英國嘅街頭塗鴉藝術!同閨蜜喺度隨便都可以影到充滿獨特風格嘅相,拎嚟打卡呃like一流!另外,喺假日嚟嘅話呢度仲會有市集開放。

前往方法:乘搭地鐵線London Overground喺Shoreditch High Street站落車,步行10分鐘便到達。

倫敦塔橋和倫敦塔(Tower Bridge & Tower of London)

image

雖然由細聽「London Bridge is faling down~」到大,但其實倫敦最出名嘅橋並唔係London Bridge而係Tower Bridge倫敦塔橋。到訪的時候,如果咁啱遇到大船經過,倫敦塔橋就會升起俾佢駛過。咁好彩同閨蜜撞正呢一刻嘅話一定要拍低呢個瞬間!

image

最後一定要同閨蜜喺壯觀嘅塔橋上漫步,費用全免。等到天色漸漸入夜,橋上嘅燈飾全開嗰時,景觀絕對係一流!亦可選擇買票入去倫敦塔了解佢嘅歷史。

前往方法:乘搭地鐵線Circle、District Line喺Tower Hill站落車,步行5分鐘便到達。

DAY 3

西敏寺區(Westminster)

白金漢宮(Buckingham Palace)

image

英國係全球現存少數保有皇室嘅其中一個國家。因此,嚟到倫敦當然要去一轉白金漢宮!呢度除咗係旅客喺倫敦嘅必訪地,亦都係英國君主嘅寢宮同辦公處。如果想知道女皇喺唔喺白金漢宮入面嘅話,睇下皇宮正門嘅上方有冇懸掛皇室旗幟就會知!經過兩日初步對倫敦嘅認識,係時候要了解一下英國皇室文化喇!

另外,每日嘅早上11:30呢度都會進行衛兵嘅交接儀式。謹記要早啲前往,唔係好快就會人山人海,好難搵到一個較好嘅觀賞位置㗎喇~

image

如果唔鍾意太多人嘅話,可以選擇睇皇家騎兵衛隊(Horse Guards),都係一樣嘅交接內容,但人流會較少。

白金漢宮:乘搭地鐵線Circle、District Line喺St. James Park站下車,步行15分鐘便到達。
皇家騎兵衛隊:乘搭地鐵線Bakerloo、Northern Line喺Charing Cross站落車,步行10分鐘便到達。

大笨鐘和國會議事廳(Big Ben & House of Parliament)

image

「你說我比大笨鐘還笨要怎麼比~」,又係一個高唱一曲嘅好地方!相信唔少閨蜜們都曾聽過呢首周杰倫嘅大笨鐘,女生們不妨一齊學周董喺呢度拍攝一個小MV!而大笨鐘同國會議事廳亦係英國著名嘅地標,更位於泰晤河畔附近,景色優美。

前往方法:乘搭地鐵線Circle、District、Jubilee Line喺Westminster站落車,出站便到達。

DAY 4

蘇活區(Soho)

國王十字車站(King’s Cross Station)

image

唔少人都係哈利波特嘅粉絲,去到倫敦最後當然要同閨蜜去朝聖啦!去到9¾月台,絕對要同閨蜜喺度影相,留下成為霍格華茲學生嘅認證照!

前往方法:乘搭地鐵線Piccadilly、Victoria、Circle、Metropolitan、Hammersmith & City、Northern Line喺King’s Cross-St. Pancras站落車,出站便到達。

另外,閨蜜們仲可以走進市集,嚟一場尋寶之旅!特別推介嘅係肯頓市集(Camden Market),嗰度嘅紀念品據說係全倫敦最平嘅,而且仲有唔少手工藝品,保證可以搵到你哋嘅心頭好;仲有柯芬園(Covent Garden)亦係必到嘅市集之一,位於柯芬園廣場嘅旁邊,唔單止可以搵到特色商品,仲有街頭藝人表演欣賞,為你哋嘅旅程增添多點歡笑同活力!

肯頓市集:乘搭地鐵線Northern Line喺Camden Town站下車,沿Camden High Street走便到達。
柯芬園:乘搭地鐵線Piccadilly Line喺Covent Garden站下車,步行5分鐘便到達。

倫敦咁靚,呢四日重點之旅當然唔足夠啦!建議閨蜜們安排更長嘅時間,為行程加插更多你哋嘅專屬回憶!快啲同閨蜜商討下一趟旅程啦!

KKday亞洲5國懶人團新春賣懶財爺駕到期間限定折扣指定產品低至7折,立即了解詳情!限量7折優惠碼:MAILAN(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: