日本美食手冊

【傻傻分不清】廣島燒/大阪燒有咩分別

各位到左日本會食啲咩呢?到左日本除左食生猛嘅海鮮、壽司同生魚片之外,仲可以食乜野熟食呢?我諗各位都有聽過大阪燒,但係相信好多人都分唔到大阪燒、廣島燒、文字燒,都相信喺香港可能冇乜人食過廣島燒同文字燒,如果你以為日本嘅燒物只不過係一灘漿同涵撈埋一齊,煎一煎之後再加啲燒汁上去嘅話,你未免太過睇小日本燒物呢門學問。 所以而家就等小編黎介紹下幾種日本著名嘅鐵板美食,佢地嘅做法同特色都唔一樣架。

KKdap App

一、大阪燒

首先講下大阪燒啦!廢話都要講句,大阪燒係源自大阪嘅。大阪燒係將低筋麵粉、蛋、炸麵花(將麵漿當天婦羅咁炸完再整碎,一般日本雜貨店都有賣)、水或者鰹魚湯、椰菜同肉喺碗入面攪均,或者依自己嘅喜好再加啲蝦皮、蔥花等等去提升味道嘅層次。有啲人都會選擇將所有碗入面攪均左嘅食材放到鐵板上面之後先再將肉鋪喺上層,再加啲麵漿,煎4,5分鐘後再煎埋另外一面,最後搽埋醬汁,落啲木魚、紫菜上去,加多少少蛋黃醬就食得啦。

因為大阪燒係享受那鬆軟口感嘅,所以整嘅時候唔好壓扁佢呀!

大阪燒因為相對易整,所以對於鍾意小聚一下、大家一齊開開心心整野食嘅人實在係再適合不過架啦!

>>>【極易上手】輕鬆調理大阪燒

二、廣島燒

起源於廣島嘅廣島燒就唔似大阪燒咁將全部野埋一齊之後先落鐵板,而係一步一步慢慢咁將食材堆起。

先喺鐵板上整一塊圓形薄餅皮再放上一大把嘅椰菜絲、肉等食材,再一下翻面,把椰菜等食材蒸熟,但係難度會相對較高,所以通常都係由師傅負責。將椰菜蒸熟嘅同時,喺旁邊嘅鐵板上炒熟啲炒麵後,將椰菜同麵皮等移到炒麵上然後用力一壓,最後再煎個荷包蛋放上去, 加啲紫菜、木魚、蔥花就搞掂。

廣島燒同大阪燒最大嘅分別,就係廣島燒多左炒麵令到啲味道更有層次,製作步驟同用料亦都係三者當中最多嘅!而且因為製作難度比較高,通常就會由師傅負責幫手整,因此想要輕輕鬆鬆享受美食,但又唔想自己郁手做嘅懶人就最適合食廣島燒。

如果胃口比較大,嫌淨係食大阪燒或廣島燒唔夠飽嘅話,都可以嗌下大阪燒或廣島燒嘅定食。幾乎每一間大阪、廣島燒嘅店家都會有定食,所以唔怕食唔飽。

三、文字燒

文字燒係起源於東京嘅燒物。佢嘅製作過程係將蔬菜、肉等食材炒完之後做成一個圓圈,再將用上湯稀釋左嘅麵漿分2-3次慢慢倒入圓圈入1面,等滾左之後再撈埋攪勻,煎成香脆鍋巴之後加啲紫菜就食得架啦。

雖然睇落就麻麻地開胃,但係那外邊果層焦脆鍋巴同入面濃濃杰杰嘅口感配埋一齊,簡直冇得輸,同朋友一路傾計一路食就最岩。

【章魚燒】

最後再介紹每個鍾意日本嘅人都一定有食過嘅章魚燒。雖然你行去旺角銅鑼灣都有一堆賣,但係喺大阪食嘅正常宗章魚燒絕對唔一樣! 做法唔同,口感亦完全唔同!大阪嘅係著重鬆軟口感,所以同香港果D懶係彈牙嘅口感係兩回事黎。小編推薦大家可以去試下就知。

再加上大阪有唔同種類嘅章魚燒,甚至仲有好適合寒冬時食嘅湯章魚燒,你喺香港係絕對唔會食到!所以去到大阪除左大阪燒之外記得都要食湯章魚燒呀!

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往 KKday 網站,訂購心水行程!
▲訂閱 KKday電子報,獲取更多旅遊優惠!

關注KKday社交平台動向:
FacebookInstagramYouTube旅友討論區

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: