交通指南旅遊資訊歐洲

【歐洲跨國】行程及交通規劃攻略

第一次去歐洲唔知點計畫?英國、德國、瑞士、法國、西班牙、葡萄牙行程點先順路?KKday已經幫你諗好哂,歐遊冇難度!

KKdap App

英國→法國→瑞士→德國

1) 英國-法國

第一種玩法就係英國進德國出,適合想一次去哂英、法、德嘅旅歐遊人士。由英國到法國仲可以選擇搭乘歐洲之星(Eurostar),沿途經過超級經典嘅海底隧道,重點係只需要2小時30分鐘就可以往返兩國~小編亦建議大家英、法兩國可以唔選擇搭乘廉航,因為行李限制多、機場距離市區有一段距離;但搭乘歐洲之星就可以直接喺巴黎北站(Paris Nord)落車。另外,歐洲之星亦可以搭到比利時!所以想一次過去英國同比利時嘅朋友可以考慮搭火車。

2) 法國-瑞士

圖片來源 | Pixabay

法國到瑞士一樣唔會太遠,由巴黎搭TGV Lyria到瑞士首都伯恩約需3小時、到達蘇黎世大約4小時,而且持有Eurail Pass嘅話票價其實亦唔算太貴,喺瑞士境內使用當地嘅Pass搭火車移動亦非精方便,但都係比較建議訂票前可以先同廉航比較下價錢!

3) 瑞士-德國

圖片來源 | Pixabay

如果要由瑞士去德國,可以先乘搭瑞士嘅IC (Inter City)到巴塞爾瑞士車站 (Bahnhof Basel SBB),再轉搭德國ICE(Intercity Express)到德國境內,總車程大約需時4小時左右,手上持有Eurail多國Pass嘅你亦可以考慮搭火車。如果你係單純想去瑞、德兩國,亦可選擇廉航,唔一定要搭火車~

小知識:德國ICE(InterCity Express)係德國嘅高速列車,可以往返瑞士、德國、法國、奧地利;而瑞士IC (Inter City) 就係瑞士境內各大城市之間嘅特快車。

德國→荷蘭→比利時→法國

1) 德國-荷蘭

圖片來源 | Pixabay

德國到荷蘭阿姆斯特丹一樣可以乘搭ICE,你可以選擇由科隆或法蘭克福上車,車程約4小時左右。其實廉航機票價錢同火車價錢差唔多,搭飛機需時1.5小時,而且阿姆斯特丹史基浦機場離市區相對比較近,所以搭飛機都係不二之選。

2) 荷蘭-比利時

由荷蘭姆斯特丹到比利時嘅布魯日,雖然要轉三次車,但三個小時內就可以抵達,算係非常方便。建議可以由阿姆斯特丹先搭Thalys到安特衛普中央車站(Antwerpen-Centraal),然後再轉搭比利時嘅IC到Gent-sint-pieters,最後乘搭前往布魯日嘅IC。

小知識:Thalys係一班國際列車,同時亦被稱為西北高速列車,接通荷蘭、比利時、法國、德國;比利時嘅IC同瑞士嘅IC其實差唔多,同樣係境內各大城市嘅特快車。

3) 比利時-法國

圖片來源 | Shutterstock

由比利時布魯塞爾到法國巴黎北站一樣可以搭Thalys,唔洗轉車,路線更簡單,車程亦只需要兩個半小時!如果你想由比利時嘅布魯日到巴黎,你可以先搭IC再轉Thalys,小編會建議比利時到法國依段路途可以選擇搭火車,因為搭車時間唔會太長,而且搭Thalys都搭得幾舒適。

法國→西班牙→葡萄牙

1) 法國-西班牙

圖片來源 | Pixabay

如果你要遊南歐,可以選擇由法國進、葡萄牙出嘅方法,由巴黎嘅里昂車站、南法嘅馬賽搭西班牙高速列車直達巴塞羅那。巴黎到巴塞羅那大約6小時,馬賽到巴塞羅那就大概需要4小時。

由法國到西班牙依段路程小編會比較建議搭廉航,因為慳時間、機票價錢亦同火車嘅價錢差唔多,淡季時甚至會比搭火車更便宜,所以如果你對火車冇咁執著的話,你亦可以考慮搭廉航。

 2) 西班牙-葡萄牙

圖片來源 | Pixabay

西班牙到葡萄牙依段路,亦唔建議搭火車,因為又貴又需時太長。小編建議可以由馬德里搭廉航到葡萄牙嘅里斯本,或者由塞維亞(Sevilla),搭乘ALSA巴士到達里斯本都得,ALSA 亦有提供夜間巴士,幫你慳番一日嘅住宿費,搭巴士港幣$270 有找,車程就要6-7小時。

歐遊跨國旅行必備
>>去邊個歐洲國家都可以高速上網
>> 一Pass在手,去哂英國當地景點
>>去法國唔少得去羅浮宮朝聖

更多歐遊攻略
>>【英國 】四款必備倫敦省錢劵
>>【法國】巴黎旅遊全攻略
>>【歐洲多國 】跨國旅遊簽證攻略
>>【歐洲多國 】歐洲SIM卡大評比

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: