環球旅遊交通指南旅遊資訊歐洲

【法國】巴黎旅遊全攻略

簽證、交通、景點、節慶懶人包

喺巴黎睇美術館、食法國大餐、馬卡龍甜品、瘋狂買名牌,諗起都想即刻飛過去!不過買機票之前,都要睇清楚巴黎係唔係需要簽證、有咩交通工具、點樣分巴黎嘅20個行政區,同巴黎有咩節慶,睇完呢篇文就出發啦!

KKdap App

#巴黎簡介

圖片來源|Shuterstock

巴黎係法國首都,亦都係法國最大嘅城市,政治同文化嘅中心。而巴黎主要嘅景點都會喺舊巴黎城牆內,呢度依照發展歷史分咗20個行政區,全部都喺地鐵嘅1-2圈內,交通方便。

#香港航班、航程

圖片來源|Fotolia

香港直飛巴黎戴高樂機場大約12個鐘頭13分鐘,目前淨係得國泰航空同法國航空有直航。

#簽證、時差、電壓、天氣

圖片來源|Unsplash

簽證

持香港特區護照(有效期限6個月以上),可免簽證停留90天。

時差

法國時間比香港慢7個鐘頭,喺夏令時間會慢香港6個鐘頭。

小知識:夏令時間係一種為節約能源而規定嘅制度。喺夏季會將時間較快一個鐘頭,減少照明嘅用電量。唔同國家嘅夏令時間規定都唔一樣,而每年夏令時間都有唔同,例如2018法國嘅夏令時間係03月25日到10月28日。

電壓

電壓220伏特,雙腳圓形插頭

天氣

四季溫和,氣候乾燥

#貨幣

圖片來源|Fotolia

法國用嘅貨幣係歐元,可以喺其他歐元區國家使用。

小知識:歐元區國家有法國、德國、比利時、荷蘭、芬蘭、義大利、希臘、西班牙、葡萄牙、愛爾蘭、盧森堡、奧地利、塞普勒斯、愛沙尼亞、拉脫維亞、立陶宛、馬爾他、斯洛伐克、斯洛維尼亞。

#機場、市區交通

圖片來源|Shuterstock

機場交通

巴黎有三個主要機場:巴黎夏爾·戴高樂機場(CDG,Aéroport Paris-Charles-de-Gaulle)、巴黎奧利機場(Aéroport de Paris – Orly)、巴黎伯偉機場(Aéroport de Beauvais – Tillé)。最常用嘅機場係戴高樂機場,由機場去市區可以搭RER B、LE BUS DIRECT、ROISSYBUS、一般巴士350、351、夜間巴士。

市區交通

巴黎嘅區域係以Ile de France (大省)為中心,向外擴散咁劃分,一共有五圈 (zone)。而多數景點都喺1-2圈,姐係大家俗稱嘅「小巴黎」,不過都有一啲景點例外,例如凡爾賽宮(第四圈)、楓丹白露宮(第五圈)、巴黎戴高樂機場(第五圈)都係位於外圈。

而一般大家講嘅巴黎20區,同圈數(zone)唔一樣,係指巴黎嘅行政區。1-20嘅行政區都喺「小巴黎」入面,巴黎嘅Metro同RER基本上都可以去到。只要掌握好你想去嘅地方喺邊一圈或者邊個行政區,就好容易安排行程。如果想由巴黎去其他國家,就要撘SNCF(法國國鐵),TGV係當中最常用到嘅列車。

#巴黎景點、20個行政區

之前講過巴黎一共有20個行政區,而熱門景點多數都喺呢啲行政區入面,例如羅浮宮係喺第1區,巴黎東站、北站呢兩大車站喺第10區。記住巴黎嘅20個行政區,都係交通嘅1-2圈 (zone)內,基本上都可以撘Metro同RER去,咁你嘅巴黎之旅就會好輕鬆。

小編都幫大家整理咗一個行政區嘅景點分布圖,記熟就唔驚盪失路啦!

#旅遊需知

圖片來源|Fotolia

遲到係一種禮貌

去法國人屋企作客,千其唔好太早到!遲到15分鐘,係比主人家準備、打掃嘅時間,呢種係「禮貌的遲到」(quart d’heure de politesse,直譯係「禮貌的15分鐘」)。

以貼面禮打招呼

同法國人打招呼,除咗講句Bonjour問好,好多法國人都會同你行貼面禮(Faire des bises),係一種禮貌嘅表現。

隨時注意個人物品同安全

雖然法國嘅治安唔係好恐怖,不過扒手事件都係層出不窮,遊客要注意以下幾點:

  • 背襄盡量唔好揹喺後面,拉鍊要拉好,唔好半開或者全開。
  • 錢財不露眼,買名牌嘅時候都建議準備另一個袋裝喺包裝袋外面。
  • 去人多嘅地方要注意,唔好隨便同陌生人行得太近。
  • 法國嘅RER(尤其係機場去市區),成日發生打劫事件,建議遊客睇實自己行李,同埋搵人結伴同行。

#節慶

法國音樂節(La Fête de la Musique,6月21日)

圖片來源|Fotolia

每年嘅6月21日係法國嘅夏至,亦都係法國音樂節,好多法國嘅城市都會有慶祝活動。喺巴黎市區,所有熱愛音樂嘅人都會喺呢日上街表演。

臉紅心跳小提醒:聽講巴黎瑪黑區嘅Bar都會喺呢日準備超級重量級嘅表演,大部分Bar會喺鋪頭門口派出猛男熱舞。至於有幾養眼?要請大家去完同小編分享。

法國國慶日(Fête nationale française,7月14日)

圖片來源|Fotolia

法國國慶日都叫做巴士底日,定喺每年嘅7月14日,紀念巴黎群眾攻破咗象徵封建統治嘅巴士底監獄,呢件事件亦係法國大革命嘅開端,極具歷史意義。每年法國國慶,巴黎市區都會有三大不可或缺嘅元素:消防隊舞會、國慶閱兵遊行、巴黎鐵塔煙花。由一大朝早喺香榭麗舍大道舉行嘅國慶閱兵遊行,到夜晚嘅重頭戲 — 鐵塔煙花,一路玩到清晨嘅消防隊舞會!

臉紅心跳小提醒:消防隊舞會到底好睇?呢日巴黎市區嘅消防局會變成露天夜店,肌肉線條分明嘅消防隊員們都會著制服參加,好型啊!消防隊舞會會由夜晚九點一路到凌晨四點!當然唔係全區嘅消防隊都會加入,有興趣嘅可以去相關網站查詢地點。

巴黎不眠夜(La nuit blanche,10月07日)

圖片來源|Fotolia

「不眠夜」顧名思義啫係成晚通宵。每年不眠夜嘅主題都不同,有特別安排嘅路線比民眾沿街參觀藝術展覽,巴黎市內都會有唔同嘅藝術表演,仲有其他有趣嘅活動!活動會由10月7日嘅夜晚七點一路到10月8號嘅朝早六點,下次去巴黎時可以同法國人一齊通宵一晚。

去巴黎,你可能需要:
▶︎ 想打卡up相,一張上網卡暢遊歐洲
▶︎ 專對包車由戴高樂機場去巴黎市區!
▶︎ 巴黎美食巴士體驗

更多關於巴黎嘅攻略:
▶ ︎歐洲跨國旅遊簽證攻略
▶ 【外遊上網攻略】歐洲SIM卡大評比
▶ 【歐洲交通篇】三個安排交通實用網站
▶︎ 巴黎 6大最美地標
▶ 【歐遊攻略】用十蚊由倫敦去巴黎

KKday日韓精選期間限定折扣指定產品低至8折,立即了解詳情!限量優惠碼:OKINAWAJEJU20(優惠受條款約束)

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: