日本交通指南旅遊資訊

【旅遊達人推薦】日本必備交通App

頭幾次去日本玩嘅時候,相信大家都同小編一樣曾經對日本嗰張錯綜複雜嘅鐵路圖感到好迷茫同不知所措;或者喺計劃行程嘅時候,唔知應該點樣入手。今次小編就為大家搵咗幾個實用又簡易嘅App,等新手上路嘅你都可以輕輕鬆鬆咁享受去日本旅遊嘅樂趣~

KKdap App

一、Navitime transit/乘換&地図Navitime

呢個App根本係小編嘅大愛,亦都有積極咁推介身邊嘅朋友用!佢除咗有iOS同Android版本之外,仲有網頁版,適合大家隨時隨地咁使用。唯一要注意嘅係App得日文版本,雖然我們都理解到大部份漢字,但如果你想搵個啲地方名唔止得漢字嘅話,咁就建議你Copy定個日文名先再Search喇;如果想用中文介面,就可以用網頁版~

使用方法好簡單,只需要輸入起點同終點,如果你有需要嘅仲可以輸入埋出發或者到達時間。(溫馨提示:唔可以用景點嚟進行搜尋,所以建議大家做少少功課,到時就輸入最近景點嘅車站名嚟Search。)然後App就會根據你嘅搜尋,以最快到達、最少轉車次數同最平三方面列出結果,大家可以考慮自己嘅需要而決定揀邊條路線。結果十分之詳細,仲會包括埋喺咩站同月台轉車、列車出發時間等等。

以上面呢個結果為例,圖入面「早」嘅意思係最快到達嘅方法;「安」就係最平;而「楽」嘅意思係最方便,即係轉最少車嘅方法。小編喺呢個情況就會揀第2個方法,當然,大家都可以按返自己當時嘅需要嚟選擇。揀啱路線撳落去,App就會顯示更加詳細嘅路線資訊。

撳入去後就好似呢張圖咁,佢有埋要喺邊一個車站轉車、咩出口去最方便同列車到達時間等等,詳盡又簡單,唔洗怕要喺車站盲鐘鐘啦!

另外呢個App仲可以睇到唔同鐵路嘅時間表,相信大家都知日本交通比較準時,較少有故障情況,所以都幾實用同有參考價值㗎!

另外App入面仲有免費地圖可以用,輸入目的地就得,超方便!

▶︎NAVITIME Transit App Store (iOS) 下載點
▶︎NAVITIME Transit Google Play (Android) 下載點
▶︎NAVITIME Transit 網頁版

二、乘換案內(IOS版)

呢個App同Navitime差唔多,但佢就得iOS版本。就等小編做個簡單小教學等大家用呢個App嘅時候可以更得心應手啦~

使用方法十分簡單,都係輸入起點同終點就得,特別一提,喺右上角大家撳落去可以搵到唔同鐵路嘅路線圖。

Search完App就會列出多個前往方法,同上面嘅App相約;今次小編就揀咗第2個前往方式,係唔洗轉車而又最平嘅方法。

▶︎乗換案内 App Store (iOS) 下載點

訂埋日本交通車票就玩得開心又放心
▶︎【早鳥優惠】網上預訂JR PASS平過日本買
▶︎【大阪必備】大阪周遊卡
▶︎【無限次乘坐】東京Metro Pass 24/48/72小時乘車券

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: