大多數人出門旅行都喺希望晴空萬里,可以影到靚嘅風景照,如果到達目的地發現跟住落嚟果幾日都落雨,心情難免都會有啲唔開心。但其實落雨嘅風景都可以別有一番風味,特別喺以下呢四個旅行地點,遇上雨、雪、霧等「惡劣天氣」嘅時候更加有魅力。

九份

雨中嘅九份同晴天的九份真係差好遠,冇親身體驗過九份嘅雨天可能無法理解呢種美。紅燈籠同埋石階經過雨水的洗滴之後,顏色變得更加清透鮮明,就連原本令人討厭嘅烏雲,都可以化身為天然濾鏡,令你影嘅相增添幾分獨特嘅顏色。

▶雨中九份攝影小竅門:光圈較大啲

合掌村


鍾意雪景嘅你,一定唔介意喺旅程中遇上凍冰冰嘅天氣。落雪過後就會立刻化身為北歐童話小鎮的白川鄉合掌村,厚厚嘅積雪令呢道嘅房屋都好似薑餅人間屋咁可愛浪漫,趁住漫天飄雪嘅時候影相真喺超級靚!無論喺近景拍攝或者喺到高處俯拍,都可以輕易影出童話世界嘅感覺。▶雪中合掌村攝影小竅門:快門較慢啲

西藏

圖片來源

西藏絕對喺天氣越差,相片越靚嘅第一位!暗沉嘅烏雲、厚實嘅霧氣,呢啲平常最令人討厭嘅自然現象,喺西藏就變成左上天嘅禮物。惡劣嘅天氣令西藏嘅景物更加有氣勢,風景相或者人物攝影都靠呢啲大自然營造嘅特效啦!

▶陰天西藏攝影小竅門:曝光調暗啲

巴黎

圖片來源

雨中嘅巴黎真喺有一種完唔同嘅風格,雖然驟眼睇好似好陰沈,但喺呢個時候影嘅相絕對會令你嘅作品獨樹一幟。特別喺街頭攝影,呢個時候就着住雨褸,帶住部相機四圍去影相啦!你會發現雨中嘅巴黎實在帶俾人太多意想唔到嘅收穫。

▶雨中巴黎攝影小竅門:試下黑白色