環球旅遊旅遊資訊

【去旅行風格】 一眼看穿你是哪類人

 人生總有幾次機會離開香港去旅行,不論長期定係短期,都係一種人生閱歷。不過每個人喜好性格都唔一樣野,所以去旅行嘅方式亦不盡相同。但係從各方面去細心觀察嘅話,旅行嘅習慣可以成為你為人特點嘅線索!

KKdap App

一、目的地嘅選擇

任何人去旅行之前嘅第一件事都一定一樣-揀去邊,不過原來你揀去邊都已經透露左你係一個點嘅人。

一般黎講,如果你決定去嘅係首爾大阪東京台北,新加坡,等等東亞嘅繁華都市,你未必係購物狂,但你會係一個未滿足於現有事物嘅人,而且盡量會搜羅香港未必有嘅野,喺物質方面有相當高要求。

如果你係去歐洲嘅話,物質上嘅滿足未必係你追求嘅野,反而更希望喺精神上可以得到更多嘅富足。喺物價比東亞高得多嘅歐洲,購物自然唔係你嘅旅行重點。跟隨住歷史嘅腳印,令自己沉浸於文藝復興時期嘅典雅之中。

如果你會想去塔斯曼尼亞,開普敦,馬達加斯加,沙巴,馬爾代夫,甚至係堪察加半島,「人生只得一次」絕對係你嘅座右銘。富有冒險精神嘅你,為左一睹大自然嘅各種鬼斧神工,相信空中跳傘或者彈珠跳都應該已經係你行程之一。

二、航班嘅時間

有冇諗過,你揀幾點飛都會反映你係咩人呢?撇除價錢同時差嘅考慮,如果一日廿四個鐘都有得比你揀,你會揀幾點機去或者番?早機去晚機番,你會係想把握可以放假嘅時間,完全係一個機會主義者,做左先至講。如果選擇晏晝機來回,你比較著重假期開始同結束嘅過渡,反映左你對時勢嘅適應嘅重視,好多時都較為謹慎。

三、深度定係闊度

成日都會討論到呢個問題。到底係應該去得愈多景點愈好,定係每個景點都花多D時間去感受下會較好?其實冇話好定唔好,追求景點數量未必一定走馬看花,景點去得比較少亦唔等如見識少左。不過,如果鍾意「趕景點」嘅人可能會享受忙完一日後力竭筋疲嘅滿足感,而優哉悠哉嘅人會較享受沉思所帶黎嘅感受。

四、留影嘅習慣

去旅行影相係常識吧,不過你點影又係另一種反映你生活態度嘅線索。最大分別莫過於會唔會影埋自己入鏡。有人會覺得影相冇自己個樣就證明唔到自己黎過。好多時呢種人都比較著重人地點睇自己,喺一個團體入面會希望自己定位係清晰,比較強調自己嘅存在。不過同時都有人覺得唔洗有自己喺張相入面,反而只係想將眼前事物盡可能咁保留落黎,甚至覺得有自己喺入面會破壞左成個唯美。呢種人唔係自卑,而係珍惜每一件事物最原汁原味嘅一面。善於融入群體,唔需要突出自己,但會樂於合作去令事情變得圓滿。

五、旅伴嘅選擇

自己一個人?同另一半去?同屋企人去?同朋友去?旅伴選擇或多或少都話左比人知你心諗緊咩。一個人去旅行唔係孤癖,而可能係自主性強,鍾意自己計劃同決定行程,唔需要討論。享受一個人喺異地嘅時間,可以思考嘅空間亦都較多。同另一半或者家人去的話,好多時係一個重情嘅人,希望透過製造唔同嘅共同回憶,深化彼此之間嘅關係。同朋友聯群結黨咁去旅行唔一定係冒險,但就多數係愛熱鬧嘅人。甚至係咪去旅行都已經唔重要,因為重點都落喺相處嘅細節之中,嘻嘻哈哈咁追求一個美滿假期。

當然啦,上面講咁多都只不過係參考,始終每個人都唔同,判斷一個人唔係淨係睇佢點樣去旅行嘅。不過無論點,去旅行都一定係一種享受,呢個就一定唔會有錯架啦!

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: