環球旅遊

日本|湘南Short Trip:《男兒當入樽》朝聖地

image

關於「湘南」地區嘅範圍,雖然有好多唔同嘅定義,但一般黎講都係指由二宮去到葉山嘅海岸地區,包括江之島同鎌倉等觀光勝地,夏季時會吸引到好多遊客。加上唔少日劇,電影,甚至係MV都係喺呢到取景,所以好多人對呢到嘅印象就係「海‧陽光‧少年」。

KKdap App

去親東京呢個國際級大都會,大部份人唔係去歌舞妓町就係去銀座,再唔係就去東京迪士尼樂園或者Sanrio Puroland。事實上,如果撞正個Long Weekend的話,不妨可以試下去附近嘅近郊地帶做個short trip,例如日光,輕井澤,河口湖,江之島,鎌倉等等。

image

前往江之島嘅方式有好多,其中最特別嘅莫過於係呢種湘南單軌電車。點解咁特別?望下下面張圖就會一目了然。

image

哇!凌空半天吊嘅!

原來湘南單軌係日本三菱集團喺1970年代所引進嘅懸掛式單軌電車,江之島線各以大船以及湘南江之島為起始站,全長6.6公里,一共有8個車站。

單軌電車唔單止會喺市入面嘅住宅同道路之間穿梭,而且因為呢個地區有好多山坡丘陵地,所以電車都會喺各個小山丘上上落落。雖然單軌電車睇落令人冇乜安全感,但實際上當你坐喺入面感覺同我地平時坐一般電車冇乜分別,絕對唔會吊吊揈,反而因為喺半空中移動,望出去嘅風景靚好多。從大船搭湘南單軌去到尾站湘南江之島,就可以抵達夏季旅遊勝地—江之島了。

image

江之島位於日本神奈川縣藤澤市,係一個周長4公里,海拔60公尺嘅連島沙洲,屬於湘南地區嘅中心地帶,亦都係相模灣沿岸嘅一個觀光勝地。

image

島上有一個自古以黎就已經香火鼎盛嘅神社,入面嘅『邊津宮、中津宮、奧津宮』分別侍奉住三位女神,三個神社總稱江島神社,而當中供奉嘅弁才天,除左係音樂同娛樂女神之外,亦係日本神話中嘅七福神之一,所以江島神社都係日本弁才天三大神社之一。

image

除了有各式各樣嘅神社,島上面仲有一個瞭望台,除左可以飽覽江之島周圍全景,如果天氣好的話,仲有機會可以見到富士山嘅遠景,神秘得黎又幾靚。而沿路走到最後,會去到江之島岩洞,由於呢到都是江島神社最初嘅發源地,所以在岩洞入面唔單止可以見到大自然嘅鬼斧神工,仲可以見到當地民眾信仰嘅痕跡。

image

喺江之島一帶,可以好容易發現路上清一色都係賣緊一種叫做しらす嘅料理,而しらす其實就係我地所謂嘅銀魚仔,當初黎之前,日本嘅朋友特別交代話一定要記得試下呢樣江之島嘅名產,淋少少豉油上去再攞黎撈飯真係冇得輸。

而黎到江之島,當然都唔可以錯過著名嘅江之電(江之島電鐵)啦。如果想要來回江之島同鎌倉地區,江之電絕對係不可或缺嘅交通工具。

image

江之島電鐵線分別以藤澤與鎌倉為起始站,營業距離10公里,沿線一共有十五個車站。木造嘅車站,加埋綠色同米色配色嘅車廂,充滿住七八十年代嘅復古情懷。如果全日大部份時間都會留喺江之島地區嘅話,可以買江之電一日券,價錢大約係¥580左右。

image

行駛喺海岸線同城鎮之間嘅江之電,沿途軌道都同住宅幾貼近,因為路面唔闊嘅關係,有時候火車要會車時,必須要好精確咁計岩曬距離,先等一架走左之後,另外一架先可以行,幾鬼馬。

image

江之電沿線除了著名嘅江之島站、長谷站、鎌倉站之外,鎌倉高校前站都是一個非常熱門嘅景點。

image

如果你係一個男仔,望到呢張相你心入面應該已經開始有股熱血浮現緊出黎。冇錯,呢到就係「十本改變人生的漫畫」入面排第一位—《男兒當入樽》片頭入面嘅場景。

「君が好きだと叫びたい。」

「如果你放棄的話,比賽就就此結束。」呢句對白改變左我一生。

諗番起都覺得熱血,點可以唔去呢到朝聖!

今年計劃去日本但仲未知去做咩好?

跟住KKday體驗各種日本嘅吸引力啦~

>>JR 全日本鐵路周遊券

更多日本好文分享

>>  世界遺產-日光東照宮之旅,教你正確拜神社漱口流程!

▲認識KKday▲

KKday-世界旅遊體驗網站,在全球 53個國家,170 個城市, 有 3000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁:www.kkday.com

KKday  Facebook: KKday

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: