一年之計在於春,想今年過得好首先要有一個好嘅開始,而每年好多人選擇於初春用賞櫻嚟開啟自己新一年。除咗去影呢啲漫天飛舞嘅櫻花景色之外,櫻花代表幸福,所以賞櫻寓意著新一年得到幸福,順順利利。2019嘅櫻花季就嚟開始喇,講到去觀賞櫻花,大家第一個一定諗到日本,其次,韓國。錯錯錯,賞櫻唔一定要去到咁遠,離我地好近嘅台灣都有好靚嘅櫻花景點!

台灣常見的櫻花種類:山櫻花、八重櫻、吉野櫻、紅粉佳人

台中

1. 賞完秋楓賞春櫻 – 南投奧萬大

圖片來源

◆開花時期:1月下旬到3月中旬
◆開放時間:8:00~17:00
◆門票收費:NT$200元 
◆即時賞櫻情報:奧萬大情報站

由秋季嘅楓紅到春季嘅櫻花,奧萬大承攬咗大自然嘅美麗景色。奧萬大園內栽種三個種類嘅櫻花,粉紅色系山櫻花開花期1月下旬到2月上旬;豔紅嘅八重櫻約2月初到2月中下旬綻放;純白色系嘅霧社櫻開花期2月底到3月中旬,即日起到3月係賞櫻最佳時機,奧萬大賞櫻期大約2個月,嚟到台中不妨去南投奧萬大欣賞春天美景!

2. 台灣最美麗森林花園 – 東勢林場賞櫻

圖片來源

◆開花時期:預計農曆年前左右盛開
◆開放時間:6:30~22:00
◆門票收費:NT$250元 
◆即時賞櫻情報:東勢林場遊樂區

嚟到台中東勢林場可以輕鬆享受寧靜櫻花美,2018年最佳賞花時間為2月上旬到中旬。東勢林場種植超過三萬株台灣山櫻花,園內民俗公園後方以及藥草區上圍都係種植面積密集嘅區域。

嘉義

3. 蒸氣火車穿梭櫻花林 – 阿里山櫻花季

圖片來源

◆開花時期:約3中旬~4月中旬
◆開放時間:24小時開放
◆即時賞櫻情報:漫步在雲端的阿里山

每逢初春,阿里山嘅櫻花盛事會吸引好多遊客朝聖,滿山遍野嘅櫻花形成一片壯觀花海。主要嘅花種為吉野櫻,數量最為龐大,仲有山櫻花、與八重櫻等花種,櫻花滿開時,整片雪白、粉紅相間花海,令人驚艷!每年沼平線於花季期間將牽引檜木車廂服務遊客,想捕捉蒸氣火車穿梭櫻花林經典畫面嘅遊客們,要把握時機。

台北

4. 賞櫻泡溫泉 – 陽明山賞櫻

◆開花時期:每年2月~3月
◆開放時間:24小時開放
◆門票收費:免費
◆即時賞櫻情報:陽明山花季

春天係陽明山最熱鬧嘅賞花季,由初春嘅櫻花,跟住仲有杜鵑、茶花、桃花、野牡丹等陸續綻放。平菁街42巷、陽明公園、櫻花林、花卉試驗中心、中華電信國際電台都係知名賞櫻點。喺台北市想要賞櫻踏青,唔需要舟車勞頓,鄰近都會區嘅陽明山風景區,就係賞櫻嘅絕佳地點。

5. 不去京都也有櫻花味 – 淡水天元宮賞櫻

◆開花時期:每年3月~4月
◆開放時間:06:30~21:30
◆門票收費:免費
◆即時賞櫻情報:淡水天元宮花況報導

櫻花飄飄飛落圍繞住廟宇,好似去咗京都賞櫻咁,有濃濃日本味,天元宮櫻花最大特色係結合咗兩種櫻花:台灣原生種山櫻花嫁接上日本吉野櫻,櫻花帶有山櫻嘅紅、吉野櫻嘅白,因此比較偏粉紅色系,成為淡水天元宮最獨特嘅美景。