新加坡旅遊資訊美食手冊購物指南

【新加坡】你不能錯過的食玩買攻略

一講起去新加坡旅行,唔少人既反應就係:新加坡好唔好玩嫁?唔係一日就可以行哂啦咩? 新加坡的韻味同文化又點止咁簡單呢!只要大家捐窿捐罅慢慢細味新加坡嘅獨特之處,得到既體驗亦會相當唔同。今次小編就同大家介紹新加坡特別又地道嘅「食、玩、買」三大旅行原素,為大家提供好多嘅想像空間,等你知道原來新加坡都可以咁正嫁!

KKdap App

1.必食 — 風味十足印度餐

要搵好野食,一定唔少得新加坡小印度區!呢度有好多美食同攤販,四周圍嘅街道都洋溢住濃濃印度風情。絕對唔可以錯過轉角24小時營業嘅印度小店「Mubarak Restaurant」,嚐試地道印度式早餐。呢間小店無豪華裝潢,喺走廊上擺放幾張檯,客人自行點餐就可以慢慢品嚐。嚟Mubarak食早餐嘅大多數係當地嘅印度人,周圍嘅人都係用手食飯,想親身體驗嘅話,都可以學印度人用手進食。當然,老闆亦非常貼心,可以為你提供餐具。

黎得呢度當然要食招牌菜:雞/豬肉蛋餅配咖哩醬!一塊薄餅包住豆芽菜同肉碎,配上原味的印度咖哩醬汁,真係夠哂滋味,而且份量足夠,一份蛋餅就好飽肚,當然,叫多杯印度拉茶,呢份早餐一定可以為你帶黎一個good morning!

【Mubarak Restaurant】
營業時間:24小時
地點:21 Campell Lane, Little India, Singapore

2.必食 — 特色蛋撻包點

另一個新加坡必食嘅就係東興蛋撻!東興餅店係一間中式傳統餅鋪,鋪頭就係牛車水往著名的Maxwell food center街上。食完出名嘅天天海南雞飯之後,就可以去東興餅店買個小點心,行近店面就己經可以聞到濃厚嘅香氣,充滿焗得恰到好處嘅蛋撻皮香味。東興蛋撻咁好食,當然要親自試,比較可惜嘅係,蛋撻比較難保存,想買黎做手信就有難度。不過,東興餅店嘅另一個生招牌──老婆餅,就比較方便攜帶,買番一打做手信絕對無問題!

【東興餅店】
地址:285 South Bridge Road, Singapore

3.必玩 — 夜間動物園

你可能去過Garden By The Bay、可能去過新加坡環球影城。但係再去新加坡,一定要去「
新加坡夜間動物園 Night Safari」。一般動物園,大部份動物都係困喺籠入面,一塊玻璃之隔就成為最遙遠嘅距離 。而且,其實好多動物係夜晚特別活躍,呢個夜間動物園正正就可以俾你近距離觀賞唔同動物。

新加坡夜間動物園係一個寓教育於娛樂嘅最佳典範,好玩程度超越想像!新加坡大部份地域係往高度發展嘅城市,但係就留有一大片的空地保持原本嘅熱帶生態,動物園嘅設計以開放空間為目標,圍籬藏喺視線之下,欄杆就以植物作為掩護,等你好似係誤闖森林嘅外來者,完完全全置身於熱帶森林之中,準備開啟一場冒險之旅!
夜間動物園每晚仲會有3-4場精彩演出,睇完表演之後,就可以搭乘遊園火車闖入叢林之中,途中仲會有動物經過你身邊,好似鹿、馬來謨等等,近到完全伸手可及,真係超級興奮!

坐完遊園火車之後,唔好心急走啊,大家可以按住指示行動物園,更加親近咁睇下唔同動物,步道嘅路線都係經過精心設計嘅,遊園火車上面睇到嘅動物都係體型比較大嘅動物,而步行道上見到嘅就係體型較小嘅動物,唔會重複嫁。

4.必買 — 超市料理包

圖片來源

新加坡嘅美食的確令人一試難忘,真係令人好想再三回味。各種唔同口味嘅料理包早就為你準備好啦!新加坡有唔同口味嘅料理,好似南洋口感、印度風味、中華料理…真係好想帶哂佢地番屋企。喺呢道嘅超級市場──昇菘超市同Fairprice,裡面就有各類料理包,無論係辣椒螃蟹、海南雞飯、印度咖哩、南洋咖哩…都可以成箱搬返屋企!喺小印度區有一間昇菘超市喺地下室,經過嘅時候就可以大肆掃貨!

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: