環球旅遊

同父母/長輩去旅行要注意..

image

(圖片來源:Stevena123.com)

KKdap App

聖誕節同新年應該有唔少朋友都會同長輩或者父母去旅行,畢竟可以一齊去外地共享天倫係好多老人家嘅心願,根據非正式統計,當你提出同呀爸呀媽去旅行,有九成九機會佢地實會話:「哎呀,哂咩錢呀!你翻黎食飯又生生性性我已經好開心喇!」但話都未完,就會係度幻想緊去邊個目的地,要準備定買咩手信,仲要即時係D三姑六婆師奶群組度大聲宣佈:「哎呀我新年未必黎到同你打麻雀呀,個衰仔(女)話想同我去旅行喎….(下刪萬字)」

為人子女點都應該要珍惜當下,趁佢地仲行得走得可以跟你去旅行嘅時候盡孝道。但係,同長輩/父母去旅行真係唔簡單,分分鐘仲Chur過同港女去旅行呀。老實講丫,唔夾/嗌左交嘅旅伴都仲可以話嘅翻到香港唔再見,但屋企人唔同喎,始終切肉不離皮,所以去旅行都係做足準備,咁大家先會旅途愉快嘛。

1. 慎選目的地

image

(圖片來源:Ohhappyday.com) 

同屋企人去旅行,應該要大家傾好曬有共識去邊個目的地,坐咩航空公司。講真,老人家未必可以同你半夜坐廉航,窮遊發展中國家。仲有,年紀漸長對於適應氣候變化都唔容易。最熱,多雨的季節,前往叢林一定唔係好主意。同樣地,俄羅斯冬季都唔係明智選擇。仲要考慮埋,佢地免疫系統,有大量地方性傳染病嘅地方(如印度)盡量可免即免。如果要建議目的地,盡量揀同香港差唔多氣候嘅地方,例如台灣、日本就最穩陣。

2.預訂行程住宿

image

(圖片來源:kkday.com)

將所有野提前預訂可以幫助降低成個Trip整體壓力。老年人,即使在最佳狀態,都唔會有你咁Fit。提前預訂酒店可避免好多不必要麻煩,唔使四處奔波。年紀大需要較長時間,從航空旅行中恢復和調整,以改變時區。仲有,長輩們出發前都會問你黎緊去邊,有咩景點,有咩行程有咩食。佢唔係想干預你安排,只係佢地習慣早Plan定所有野,唔係人人都習慣做Deadline Fighter或者咩都Random有新鮮感,預早Book定等佢地安心嘛!

3.安排預算

image

(圖片來源:sandieroastures.com)

同長輩/屋企人去旅行預Budget其實同平時好唔同。舉個例,公共交通對於好多老人家黎講係好困難,因為地鐵樓梯可能影響佢地膝蓋及臀部,烈日下(或冷風)等車對老人家黎講都係沉重代價,寧願比多少少錢都唔想佢地辛苦(盡可能我都會揀包車同拼車)。另外,如果你去旅行一日只食一餐,節約成本Style。呢個安排極可能不適合年老父母,佢地期望可以三餐定時,同時可以慢慢品嘗地道特色食品,茄汁豆絕對唔係佢地杯茶,所以係預Budget上面要注意一下。

4.注意健康

image

(圖片來源:shsu.edu)

在你出發前,最好做足準備,如果有需要接種疫苗或其他預防措施,都應該盡量照著做。同時要徵詢醫生,父母的健康狀況及關於如何在旅途中保持健康的建議。小編習慣請醫生佩備「平安藥」,萬一有事都可以傍身。藥物記得帶埋上機,如果您的行李丟失或遇航班延誤都唔使怕。如果你父母係糖尿病患者,計劃飲食行程,要注意糖份並提醒佢地多喝水。

5.調整你的預期,嘗試減緩

image

(圖片來源:Flightcentre.com)

你年青力壯,一日可以圍繞一個城市去N咁多個景點,但老人家唔同,一日去兩個景點已經夠曬數,唔鼓勵大家帶住長輩跑景點,對佢地黎講係一種負擔,調整你期望可以幫助避免挫折感。換個角度諗,較慢速度。可以享受慢活度假感覺,幫助放鬆,減低壓力。花更多時間令你可以體會到目的地既美觀,何樂而不為?

6.規劃時間給自己休息和放鬆

image

(圖片來源:Travelpulse.com)

請注意,你好大機會係今次旅行入面要負責看守,導遊,導航,同翻譯嘅角色。我知呢份工作應該係辛苦過翻工,所以一定要預留時間比自己休息同放鬆,避免精神崩潰。記住,去旅行唔一定要Chur到盡先叫不枉此行。即使在最好的親子關係,都需要有彼此既空間,長輩/父母都唔一定要求要24/7同你一齊,所以記得,記得預留時間比自己。

7.學會尊重同體諒

image

(圖片來源:Yan.vn)

我知,好多moment你都會好想講粗口去表達不滿,又或者有時候對於長輩/父母未必了解文化差異,或者部分行為令到你忍唔住黑面,但係以上行為都係影響緊雙方關係,百害而無一利,要明白,你理解一個地方文化唔等於父母都理解,需要你去解釋同協調,同時都要互相尊重同體諒,先可以體會親子旅行嘅樂趣。

有好多人同長輩/父母去完旅行翻黎會埋怨,覺得咁嘅旅行並唔係「旅行的意義」,責怪佢地打亂自己嘅Plan,但係你Plan嘅過程,又有無換佢地角度,切身處地去考慮父母感受,究竟佢地係咪希望咁?雖然佢地未必理解旅行對你嘅意義,但可以同你一齊去,就已經係佢地眼中「旅行的意義」。講到尾,「溝通」、「協調」、「體諒」同「尊重」就係同長輩/父母去旅行必備四寶。趁佢地仲可以跟住你遊世界,要好好珍惜彼此相處時光。

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!
▲下載KKday App與你同行,發掘更多在地旅遊體驗!
▲訂閱KKday電子報,獲取更多旅遊優惠!
FacebookInstagramYouTubeKKday群組

留言
KKday Hong Kong
訂完機票和飯店,當地旅遊體驗就交給KKday。 自己的行程自己排 – 海外潛水、戶外攀岩、料理課程、私房景點、 一日遊、票券、包車旅遊、機場接駁,各式世界當地旅遊行程任您挑選!
%d 位部落客按了讚: