image

又到左唔想離開張被嘅季節喇。黎緊聖誕節唔知大家會唔會去啲好凍嘅地方例如日本、韓國、歐洲旅行呢?好多人都有誤解,覺得冬天要保暖就要著好多衫好臃腫,其實只要你掌握到以下嘅技巧,你都可以著得又靚又暖架。

倒金字塔式保暖法

即係最底層打底衫著最少,面層外套頸巾帽等等著多啲,好似幅圖咁:

image

底層

係外國,好多地方室內都會有暖氣,室內外嘅溫差好大,因此唔應該著太多打底衫,如果唔係入到室內覺得熱嘅時候就好麻煩喇。

而打底衫嘅選擇呢,最好就揀件保暖性能佳嘅保暖內衣,除左保暖,仲要留意吸唔吸汗,因為冬天汗揮發都會令體溫流失架,依家市面上都有好多呢類型嘅產品可以俾大家選擇。

image

中層

至於中層呢,就著番平日著嘅出街衫,因為當你入到室內除左外套,無理由著住件睡衣/打底衫架嘛,想嚇死人咩。

image

而褲款盡量揀貼身啲有彈性啲嘅,因為上半身已經會著好多衫呀外套呀,如果唔想咁臃腫就要由下半身著手喇。想著裙嘅靚女可以揀裙褲或者加條褲襪架。

image

面層

面層就梗係外套同外套啦,外套唔適宜太闊太大件,因為太大件啲風就有機會走入個身度而且唔靚。外套要注意擋風嘅能力,皮褸、毛呢外套、風褸、羽絨都係唔錯嘅選擇。你亦都可以著多過一件外套,加強保暖功能之餘入到室內又方便除。例如你可以著一件無袖羽絨外面再加一件風褸,加強保暖同擋風嘅功能。

image
image

有幾個重點要保暖嘅部位,分別係四肢、後頸、背部。所以除左衫褲,頸巾都好重要,圍住條頸真係會暖好多架。

image

跟住以上嘅技巧,就唔怕凍親又可以keep住靚啦。

▲認識KKday▲

KKday-世界旅遊體驗網站,在全球 53個國家,170 個城市, 有 3000多種不同的行程與體驗。 KKday內有最特別、最意想不到的的世界行程體驗!不論你想當一日忍者、乘坐直升機享盡奢華旅程、還是你想要與猩猩共進午餐…KKday滿足旅人不同的喜好。KKday幫你省去在各論壇爬文找資料的麻煩,一站解決安排行程的困擾!現在,想來一場與眾不同的旅行就來KKday找行程,一起去冒險吧!

KKday 網頁:www.kkday.com

KKday  Facebook: KKday